Trouz er gêr

Ha setu an eil abadenn gouestlet da Zastum Bro-Leon ha Dastum Breizh. Kristof Nikolaz, enrollet gant Karolina

Ar bloaz-mañ e vez lidet 25 bloaz Dastum Bro-Leon hag 50 vloaz Dastum Breizh. Un digarez da zont en-dro war istor hag oberezhioù ar c'hevredigezhioù-se. Kinniget 'vo ivez ar raktresoù a zo war ar stern ganto. Hag e vo klevet un dibab a zielloù graet gant Kristof Nikolaz, prezidant kevredigezh Dastum Bro-Leon. Un abadenn enrollet gant Karolina.

Temoù a bep seurt en abadenn hiziv. Klevet e vo Jo, den a-youl-vat e « Les Restaurants du coeur » er Folgoad. O paouez kregiñ emañ prantad goañv ar gevredigezh a gustum sikour an dud lakaet diaes. A-hend-all 'vo lakaet ar gaoz war ar c'hudennoù o dez an dud dalc'het en o c'herzed e kumuniezh-kumunioù Landerne-Daoulaz ha petra zo bet graet er vro evit sikour anezho. Gant Violaine Fichou eus ar gevredigezh « Coups d'Pompes », Margot ha Loreleï eus skolaj Meskoad ha Enora Coat a labour e kumuniezh-kumunioù Landerne-Daoulaz. Evit echuiñ e vo klevet Thomas Kloareg diwar-benn «phōnē » a lak war-wel ar yezhoù minorel. Leurenner Teatr Piba zo bet enrollet gant Hermine de Kerorguen. Un abadenn enrollet gant Maëlys.

Seongwoo Kang, barzh ha studier war sonerezh ar brezhoneg. O paouez embann e gentañ dastumad barzhonegoù emañ ar studier war ar werzadurezh. 'Bet lakaet ar gaoz ganeomp war al liamm etre e studioù ha barzhoniañ. Klevet e vo Ronan Kalvez ivez. Ar c'helenner hag enklasker a ginnnigo "kafe brezhoneg" diwar-benn « Teñsorioù dornskrivet ar familh Kerdanet » a vo e Lesneven d'ar 4 a viz Genver. Lakaet eo bet ar gaoz war an devezh "la Bretagne linguistique" e kreizenn an enklaskoù breizhek ha keltiek e Brest ivez. Enrollet gant Maëlys.

Ha plijet oc'h gant ar beilhadegoù ? Awen Plougoulm, deus ar gevredigezh "L'Arbre à Pommes", a ro kentelioù d'ar re a fell dezho deskiñ penaos kontañ ha kanañ en ur veilhadeg. Pauline Daniel n'eus digemeret anezhi e studio ARvorig FM, asambles gant daou deus e stajiad : Emma ha Loig. Klevout a rit ivez un tañva deus ar veilhadeg zo bet d'ar 15 a viz Du.

Setu an eil abadenn gouestlet da "Paroles de Senans", skrivet gant Pierre-Yves Kersulec ha Yann Riou, embannet gant Yoran Embanner. Al levr-mañ a zo bet savet diwar pennadoù-kaoz graet gant Pierre-Yves Kersulec hag an Inizourien. Ul levr testennoù eo, diwar-benn ar beskerezh, a lak war-wel ivez eñvorennoù ha buhezegezh tud an Enez. Pierre-Yves Kersulec enrollet gant Karolina.

Bep bloaz e vez kinniget gant "Stumdi"ur paeron pe ur vaeronez d' e stajidi. Hag eo bet dibabet an taol-mañ Sten Charbonneau , 'oa bet degemeret an deiz all e sez "Stumdi" gant Helene Bonniec, renerez nevez ar greizenn. Gant Karolina

Ar gevredigezh "L'Arbre à Pommes" a ginnig bep miz ur veilhadeg e bro Landivizio. Awen Plougoulm a zo aozerez an abadennoù-mañ. Kinnig a ra ivez bep sizun kentelioù evit deskiñ kanañ ha kontañ. Digemeret eo bet er studio, asambles gant daou stajiad : Emma ha Loig.

Klervi Rouyer ha Neven Ar Penneg eus strollad Endro zo o klask arc'hant evit sevel o fladenn. An delennerez hag ar soner gitar o deus graet un droiad gant ur vag dre lien e-pad an hañv o seniñ e porzhioù hag e tavarnioù zo. War-lerc'h e vo klevet Maryvonne Berthou, Helle hag he mab Neven kemeret ganto perzh en ur raktres savet gant Ti ar vro Leon diwar-benn fablennoù Yann ar Feunteun war Youtube.

"Paroles de Sénans". Ul levr skrivet gant Yann Riou ha Pierre-Yves Kersulec, embannet gant Yoran Embanner. Al levr-mañ a zo bet savet diwar pennadoù-kaoz graet gant Pierre-Yves Kersulec hag an Inizourien. Ul levr testennoù eo, diwar-benn ar beskerezh, a lak war-wel ivez eñvorennoù ha buhezegezh tud an Enez. Pierre-Yves Kersulec enrollet gant Karolina.