Avel em fenn

Eil lodenn diwar-benn Yves Marie Thomaz, an ijinour horolajerez ha saver chansonioù difoupet gant Bernard Lasbleiz, embannet ul levrig gantañ. «Les petits graviers» vije graet diouzhte. Piv e oa ar vugale-mañ a petra a reent ? Muioc'h gant Maïwenn Raynaudon, penn redaktourez ar gelaouenn Bretons. Jean Claude Le Lay, deus Plougernewel, a gont deomp penaos en doa desket seniñ bombard ha treujenn gaol . Keleier ar vro hag ar bed : Erwan Blanchard Buheziñ ha teknik : Yann Boishardy

Bernard Lasbleiz a ginnig e levrig nevez embannet diwar-benn Yves Marie Tomaz, un Dregeriad deus an 19vet kantved, en doa ijinet sistemoù dreistordinal evit an horolajoù, hag ijinet kanaouennoù e brezhoneg brudet a-walc’h ivez. Jean-Claude Le Lay, soner treujenn gaol deus Plougernevel a gont e vuhez a-hed ar sizhun. Brezhoweb : Florent Grouin a ginnig an abadenn Made e Breizh diwar-benn an te jinjebr. Keleier ar vro hag ar bed : Aodren Trehin Buheziñ ha teknik : Yann Boishardy

Just eraok ma oe lañset an abadenn-mañ, hon doe resevet un doere ag an tristañ e ti RBG: marv eo Loeiz Konan. Barzh an abadenn e kavit neuze Maksim Crahé é komz aveid ean inoriñ, hag un tamm dielloù a Radio Bro Gwened get Loeiz Konan. Trugarekaat a reomp toud Loeiz Konan aveid ar labour en deus kaset da benn aveid goarniñ hor langaj-ni. Brav eo, en ur mod, e kavehet barzh ar memb abadenn-mañ ur reportaj a Fest ar Laridenn, aozet get Dastum Bro Ereg, lec'h ma zo bet klevet brezhoneg e begoù lan a dud, sonerion ha danserion. Modarall, barzh an abadenn-mañ: ar gronikenn Yec'hed get Alan Goulven, é konz a-ziar ar gwignanennoù, doereioù Splann, ha pennad kaoz ar sizhun, kaset get Enora Molac, a-ziar sontadeg Ifop. Keleier erbet a gaoz d'ur gudenn teknikel.

Yann-Fulup Dupuy, skrivagner ha leurenner, a ginnig ar pezh-c'hoari Gwarem Traezh hag e zudennoù paket gant o c'hudennoù identelezh. Kendalc'het e vez gant ar sontadeg Ifop nevez-embannet, "Skinselliñ ar Rannvroadelezh e 2025". Enora Molac he deus goulennet Tifenn Siret, deus an UDB, ha Tudi Kernalegenn, rener BCD hag arbenniger war ar politikerezh. Endro, harpourien deus an tu dehoù-pellañ, setu ar pezh e vez klevet el lizher kealouiñ Splann, gant Caroline Trouillet, kazetennerez, ouzh mikro Enora Molac. Teknik: Gweltaz Heno Buheziñ : Yann Boishardy

E fin ar sizhun, d'an 18 e vo foar kezeg Kerien, e-kichen Boulvrieg. Yvon Boutier, unan deus an aozerien.rezed a lâr hiroc’h diwar-benn an darvoud-mañ. An tavarnioù e Breizh. Maïwenn Raynaudon, a ginnig an niverenn Bretons ispisial gouestlet dezhe. Tifenn Siret, mouezh aotreet an UDB, a zo ouzh mikro Enora Molac, deus radio BOA, evit ar sontadeg Ifop «Radioscompie du régionalisme». Keleier ar vro : Erwan Blanchard Buheziñ ha teknik : Yann Boishardy

Klevet e vez Chañ-Claod Taleg diwar-benn e labour kizellañ hag e oberennoù a vo da welout e Lanrodeg betek fin miz Here. Ha da welout war Brezhoweb : Naruto, ar manga mil-vrudet, evit ar wech kentañ e brezhoneg ! An identelezhioù, an digreizhenniñ, ar yezhoù minorelaet, setu temoù ur sontadeg IFOP gourch'ement gant ar federasion sstrolladoù politikel Rannvroioù ha Pobloù Kengred. Tifenn Siret, deus an UDB, ha Tudi Kernalegenn, arbennigour war ar ploitikerezh, a respont ouzh goulennoù Enora Molac, deus Radio BOA. Keleier ar vro : Metig Jakez-Vargas Buheziñ ha teknik : Yann Boishardy

Mannaig le Dortz a Di ar Vro Bro Pondi a gomz a-ziar ur levrig get 'alioù fur' e-kever ar brezhoneg aveid dilennidi nevez ar vro. Intrudu Ti ar Vro eo, da vrudiñ ar brezhoneg er vro. Loeiz Beleg, en e gronikenn 'Ar Hentoù an Antroposen' a zispleg petra eo ar prizioù IgNobel, ha Jorj Botuha a gont penaos e chañs uhelded ar bombard e pep kornad a vro-Gwened, ha penaos emañ liammet ar fet-se get an danñsoù dishañval ag ar vro...

Bro an Alre, Gouil Bamdé! Katell Peron a Ti Douar Alré zo daet da studio Radio Bro Gwened da gontiñ da Neshka ha Maksim pesort abadennoù vez aozet an dilost-hañv-mañ er vro kostez ar mor. Klevet a rit ivez Jorj Botuha, hag a gendalc'h e zisplegadennoù a-ziar penaos e ra bombardoù, hag un tamm dielloù RBg ag ar bleadoù 90, lec'h ma klevet penaos veze dañset laridenn en amzer a-gent.... en ur c'hortoz Fest ar Laridenn! Hag ar c'heleier vez kaset get Anton Burel.

Barzh an abadenn-mañ e vo kendalc'het ar gaozeadenn get Jorj Botuha, hag a gomañs da zispleg penaos e vez graet bombardoù geton. Klevet a rit ivez Iffig Cochevellou a Vreuriezh ar Gatev Breton, hag e gomze a genstrivadeg ar gatev breton e Plañvour, ha Laouen a gKeit Vimp Bev a gomz a levrioù nevez embannet get Keit Vimp Bev.

Ne vo ket Ferat Mehenni evit dont da Garaez e fin ar miz-mañ. Setu aze ar pezh a oa bet roet da c’houzout disul gant aozerien Gouel al levrioù e Breizh. Ar barzh ha politikour kabil a oa bet lakaet da brezidant ar saloñs e penn kentañ ar bloaz. Hag abaoe ez eus savet meur a vouezh a-enep ar choaz-se. Un dizemglev a oa bet taolet sklêrijenn warnañ digwener a-drugarez d’ur pennad embannet enlinenn gant ar gazetenn Ya ! Ur pennad skrivet gant un den ezel eus ar Gevredigezh Frañs Palestina Kenskoazell Kreiz Breizh hag a zo displeget ennañ dre ar munud pegen tost eo Ferat Mehenni hag e luskad dizalc’hour, ar MAK, ouzh Stad Izrael met ivez ouzh an tu dehoù pellañ gall… Digwener e oa bet Tomaz Laquaine o c’houlennata Patrice Marquand, skriver ar pennad. Maïwenn Raynaudon, penn-redaktourez ar gelaouenn Bretons, a lak ar gaoz diwar-benn Sandrine Rousseau hag he eil-ti e Dineol. Keleier ar vro : Aodren Trehin Buheziñ ha teknik : Yann Boishardy