Avel em fenn

Muioc’h-mui a listennoù keodedel a zo war ar renk evit an dilennadegoù kêr ar bloazh-mañ. Benjamin Bouard, deus radio Breizh a ginnig deoc’h ober anaoudegezh gant hini Speied. Kleizhenn, ur c’houlzad deus bro Gembre, du ha teñval e aergelc’h, skignet war Brezhoweb. Displegadennoù a vo gant Florent Grouin. Joseph Laurans, bet medisin skipailh mell-droad War-Raok Gwengamp met ivez mezeg e penn Kreizhenn Addeskiñ ar C’horf Trestel, e-kichen Lannuon. Keleier : Metig Kakez-Vargas Stajiadez Roudour Karaez : Patricia Robson Teknik : Sahel Frangeul Buheziñ : Yann Boishardy

Bev mad eo ar vuhez assosiatif en Douar Santel! Géraldine Robreau ag ar gevredigezh Tolpiñ ha Brewen Le Guellec ag Ar Vreudeu le Gellec a gomz a-ziar o c'hevredigezhioù hag ur fest-noz a vo aozet gete e Kaodan d'an 18 a viz Imbrilh. Loeiz Beleg a gont ur vojenn e 'Ar Hentoù an Antroposen': kani 'aval Newton' an hani eo! Ha Tristan Govig a gomz aveit ar wezh zivezhañ a-ziar é dezenn àr oberenn Kristen Noguez. Benjamin Bouard a gas ar c'heleier, mes ur gudennig teknikel zo bet get ar son: muzik vez klevet edan ar c'heleier! Hon digarez aveid kement-se.

Benjamin Bouard a Radio Breizh en deus aterset Izold Gwegan ag ar gevredigezh 'Deskomp Breizh', hag a gannig prezegennoù ha darvoudoù tro-dro istoer ar vro e kreiz-Breizh. E 'Huñvreal e salioù teñval' e komz Morgane Cotten a Radio Kerne a-ziar ar film 'Hurlevent'. Ha Tristan Govig a zispleg petra faot dezhañ gober bremañ pand eo achiù e dezenn àr oberenn Kristen Noguez: lakaat he sonerezh àr baper, ha soniñ get ur strollad! Ar c'heleier vez kaset get Aodren Trehin

Ar c'hoat-mell: ur reportaj get Aodren Trehin a Radio Breizh a-ziar ar plat a vro-Baod. Klevet 'vo Béatrice Ar Moign, Maria Malardé ha Nicolaz Graignic. Ur reportajig e gouel ar Roue Waroch, get un nebeut tud o deus kenstrivet d'ar Sadorn er c'henstrivadegoù daouadoù ha strolladoù gest-noz nevez ha kendalc'h ar gaozeadenn get Tristan Govig a-ziar Kristen Noguez

Ur bern traoù dreistordinal e vez kinniget gant Le Lieu Jaune, un davarn gevredigezhel staliet ba St Alar-Louergad ! Muioc'h gant Luz, Guy Laudran, Maïno Le Tallec ha Marius Javel . Lena Boisard Le Coat ha Virjini Botrel a ginnig deoc'h rouedad levraouegoù ha mediaouegoù Kumuniezh Kumun Kreiz Breizh. Tristan Ar Govig, telennour anezhañ, a lak ar gaoz diwar sujed ar c’hrouiñ ba sonerezh hengounel dre oberenn Kristen Noguès. Keleier : Benjamin Bouard Buheziñ ha teknik : Yann Boishardy

Bed ar mor, ar bezhin, an dreuzkas : Pauline Le Péculier, sevenourez anezhi, diwar-benn he zeulfilm Estelle Le Corre, La Relève. Pennad kaoz ar sizhun : Tristan Ar Govig, telennour met istorour an delenn ivez, a lak ar gaoz diwar-benn Kristen Noguès. Keleier ar vro : Anton Burel Buheziñ ha teknik : Yann Boishardy

Gramb un droiad e mirdi ar gartenn-bost e Baod get Mikael Bihannig ha stajiadezed Yuna ha Faned a Radio Bro Gwened, abenn dizoloiñ an diskouezadeg nevez 'tro ar bed e 80 kartenn-bost'. Faot e ra deoc'h monet ivez? Skrivit ur mail da [contact@rbg.bzh] (mailto:contact@rbg.bzh) get 'mirdi baod' barzh an titr hag un tamm distro aveid hos abadenn Awel Em Fenn barzh korf ar gemenadenn, ha marsen e c'hounezit-c'hwi daou diket d'ar mirdi :) En 'Ar Hentoù an Antroposen' e komz Loeiz Beleg ag ar c'hudennoù a vez get an hidrogen Aveid ar wezh ziwezhan e klevit Herve ar Gall e pennad-kaoz ar sizhun! Ha Benjamin Bouard a gannig ar c'heleier Abadenn animet get Emrys van Seventer

Glen Doujet a gomz a-ziar e embregerezh pezhioù aveid plommennoù-gwrez 'Et ca repart' en Henbont - en hani kentañ en Europa e oe! - doc'h mikro Maksim Crahé a Radio Bro Gwened Ar gronikenn 'Huñvreal e salioù teñval' get Morgane Cotten a Radio Kerne Kavet vo en-dro Hervé ar Gall e pennad-kaoz ar sizhun Hag Erwan Blanchard a gas ar c'heleier Abadenn animet get Emrys van Seventer

Startijenn ha youl zo gant Itrika, ur gevredigezh nevez savet gant liseadezed, liseidi Diwan Karaez. Petra vo aozet gante neuze ? Un nozvezh dreist-ordinal gant sonadegoù e brezhoneg d’an 20 a viz C’hwevrer e sal Glenmor Karaez. Muioc'h gant Zoe Ronvel ha Jack Boudineau, izili ar gevredigezh Herve Ar Gall a gont deomp e hent gant ar yezh a-raok bezañ skolaer evit Diwan. Ha deus sport eo anv gant Maïwenn Raynaudon, penn-redaktourez ar gelaouenn Bretons, a lak ar gaoz diwar-benn klub rugbi Gwened. Ar c’heleier : Aodren Trehen hag Emrys Stajiadez Stumdi Gwengamp : Marie Ollivier Buheziñ ha teknik : Yann Boishardy

Erell Olivier Jegat, deus ar strollad Pretty Fair Maids, ur strollad deus bro Dreger, entanet gant sonerezh deus bro Iwerzhon ha gant ar bluegrass. Florent Grouin, deus Brezhoweb, a lak ar gaoz diwar-benn Fulgence Bienvenue, ar Breizhad en deus ijinet metro Pariz. Herve Ar Gall a gont istor parrez St-Mikel Groñwel met ivez istor skol Diwan Kemperle. Keleier ar vro : Benjamin Bouard Buheziñ ha teknik : Yann Boishardy