Avel em fenn
Awel Em Fenn - Merc'her 3 a viz Mezheven
Hiniv eh omp e kompagnunezh Alan, stajiad a skol an emsav e Roezhon! C'hwi glevey Tangi Jehanno ag ar c'henstrollad Klamm é konz a-ziar an aperoioù Klamm, ur fest a veaj dre vro an Alré durant an hañv: moian vo monet da selaou doc'h sonadegoù digoust un tammig pep lec'h er vro-se! Kerzhit da welet o lec'hienn ma faot deoc'h gouiet hiroc'h: [https://www.klam-records.net/aperos-klam] (https://www.klam-records.net/aperos-klam) Modarall e tispleg Alan Goulven an alerjioù, hag a vez stank er c'hours-mañ ag ar blé. Kendalc'het e vo ar gaoz get Dominig Allain e pennad-kaoz ar sizhun, ha Metig Jakez-Vargas a lenn ar c'heleier. Abadenn kaset get Emrys
Avel Em Fenn - Meurzh 2 a viz Even
Julien Antoine a lak ar gaoz diwar an ultimate, da lâret eo ar frisbee a-stroll, da geñver an touarnamant a vo ba bro Oueloù, er Faved an dibenn sizhun a zeu. Deus traoù siriusoc’h eo kistion ivez, da lâret ar chenchamant politikel a zo bet daou viz zo e Breizh. Perak eo aet ar maout gant an tud dehoù ? Maïwenn Raynaudon deus ar gelaouenn Bretons, a ro deomp displegadennoù ha martezeadennoù. Domnique Allain a zo aet d’an anaon div sizhun zo. Met enrollet oa bet gant Radio Bro Gwened diwar ul levr a studi an anvioù familh e Breizh. Stajiadez Roudour Karaez : Klervi Herve Buheziñ ha teknik : Yann Boishardy
Avel Em Fenn - Lun 1añ a viz Even
Julien Antoine, a lak ar gaoz diwar an tournamant ultimate a vo e bro Oueloù an dibenn sizhun a zeu. Ur seurt Frisbee a-stroll eo an ultimate. Ur sujed kinniget gant Typhaine Leon, deus Radio Kreizh Breizh ha radio Treger Goueloù. Florent Grouin, deus Brezhoweb a gont deus an heuliadenn avantur nevez kinniget gant ar chadenn internet : Nomad war an hent ! Dominique Allain, a zo aet d’an anaon pemzektez zo. Tomm e oa kalon Dominique gant sevenadur Breizh. Hiriv eo kistion deus al levr en doa embannet diwar an anvioù familh e Breizh. Keleier : Anton Burel Stajiadez Roudour Karaez : Klervi Herve
Awel em Fenn - Gwener 29 a viz Mae
Hiniv e vez lidet 25 blez Ti an Oll e Pondi! Ti an Oll zo Ti Radio Bro Gwened ivez, a c'houde 25 vlez, ha neuze e oe daet Francois Louis, bet prezidant d'ar radio, d'ar studio da barlantiñ get Emrys a-ziar ar radio en amzer baset. Tre g'en hent en hous abadenn! Modarall e klevit ivez ar lodenn ziwezhañ a gronikenn Splann aveid ar miz-mañ, ha distro eo Denez Nignol get e grinikenn nevez, Glazadur! Aeid ar wezh ziwezhañ e komzey Jean Rannoù hag e eñvorennoù e pennad-kaoz ar sizhun...hag Erwan Blanchard a gas ar c'heleier!
Avel Em Fenn Merc'her 27 a viz Mae
An tu-dehou pellañ a glask ober e jeu er vro a-benn skignañ e mennozhioù. Met rezistañs a zo ! Setu ar pezh a vo graet da skouer ba St-Brieg d’ar 6 a viz Even gant ar Festival evit Breizh Digor ha Kengred. Anne Koadig, ezel deus ar CVA 22 ha deus Solidaires Sud Education a gont deomp deus se. Caroline Trouillet deus ar media enklask Splann a lak ar gaoz diwar ar pesketaerezh industriel met ivez diwar teulfilm Nicolas Legendre, Violences dans les champs. Jean Rannou, gloazet ba brezel Aljeria e 1960, a gont ar pezh en doa bevet d'ar c'houlz-se. Keleier : Metig Jakez-Vargas Teknik : Sahel Frangeul Buheziñ : Yann Boishardy
Awel Em Fenn - Yaou 28 a viz Mae
Bourrapted e studio RBG! N'emañ ket e-unan Emrys: Corentin a genanima geton, hag Aodren Trehin a gas ar c'heleier tre g'en hent! An atersadenn hir ag an devezh zo bet graet get Aodren ivez: aterset he doe Thierry Jolivet ha Jeremy Robin ag ar gevredigezh Andon a-ziar sevenadur bro Gistreberzh. Ur vro divoutin eo, dre ma tremen an harz etre Breizh-Izel ha bro ar Gallaoued enni. Mesket vez an daou gultur, èl ma klevit en atersadenn. Un eil atersadenn a zo get Thomas Postic ag ar gevredigezh Tamm-Kreiz: Tamm kreiz en doe aozet, asambl get Dastum ha Bretagne Culture Diversité, un tolp foran aveit komz a-ziar dazonet ar fest-noz. Distro eo kronikenn Splann ivez, get Enora Molac ha Caroline Trouillet, ha kendalc'het vo ar pennad-kaoz agt ar sizhun get Jean Rannou!
Awel Em Fenn - Gwener 22 a viz Mae
Piala Louis a gont he buhez e bro Gebek el kanourez ha gitarourez. Kent pell e sortiey he albom kentañ! Distro eo kronikenn Loeiz Beleg, 'Ar Hentoù an Antroposenn'. Hiniv e komz ag are c'hadmiom. Jean Rannou vo klevet aveid ar wezh ziwezhañ, mes diwallit: eñ a gontey traoù kri a-ziar ar brevel en Aljeri hag ar jahinerezh. Ar c'heleier 'vo kaset tre g'en hent get Aodren Trehin, hag Emrys a anim hous abadenn!
Avel Em Fenn - Meurzh a viz Mae
Art Rock e Sant Brieg : du-hont 'moa bet tro da atersiñ Sophie Gwiader hag Eve Marquet, div vrezhonegerez a youl vat a ra war-dro un davarn. Maïwenn Raynaudon, penn-redaktourez ar gelaouenn Bretons, a lak ar gaoz diwar Jeann Malivel, ezel al luskad arzel ar Seiz Breur. Jean Rannou, deus Logivi-Plougraz, a gendalc’h da gontañ e vrezel Aljeria, e lec’h ma oa bet gloazet e-pad un operasion. Teknik : Sahel Frangeul Buheziñ : Yann Boishardy
Awel Em Fenn - Yaou 21 a viz Mae
Neventioù zo e ti RBG! Hiniv emañ Emrys asambl get Corentin, animatour nevez RBG2, hag a gannig deoc'h ar meteo hiniv! Modarall e klevit ur reportaj a lid Erik Marchand e Poullaouen, get meur a zen e komz; un atersadenn dreistordinal 'zo ivez get Svetlana Spajic, kanourez, dastumourez hag etnologourez a vro Serbi. Erwan Blanchard a gas ar c'heleier, hag en eil lodenn ag an abadenn e kendalc'h Jean Rannoù e bennad kaoz ag ar sizhun get Yann Boishardy.
Awel em Fenn: merc'her 20 a viz MAe
Rakenrollet e oe an abadenn-mañ abretoc'h d'an deiz e oe bet skignet. Klevet 'vez Tudi Crequer é komz ag an enrolladennoù koshañ ag ar brezhoneg - un atersadenn hir, ker ur bouchad traoù 'zo da gontiñ! Ha Jean Rannoù 'vez klevet e pennad kaoz ar sizhun. Etre an daou? Metig Jakez-Vargas get ar c'heleier!