Trouz er gêr

Da geñver al lezenn "3DS" en deus roet kuzul-kêr Plouezoc'h ur chomlec'h d'an hentoù ha d'an tiez. Ul lodenn eus an anvioù-lec'hioù anvet zo aet diwar-wel. Savet en deus Yann-Fulup Taleg ar strollad "Collectif lieux-dits Plouezoc'h" evit derc'hel anezho. Graet e vo anv eus al levr "Guide des noms de lieux bretons: un trésor à préserver, un patrimoine à partager" bet skrivet gant Yann-Bêr Kemener ivez. Ouzh mikro Karolina Rufflé e oa ar skrivagner warlene. Deuet e oa a-benn da virout an anvioù-lec'hioù anvet e Terrug. Klevet e vo anezhañ e eil lodenn an abadenn. Embannet eo an abadenn gant Maëlys Poublanc.

Ar raktres "Roud Diroud" zo ur raktres c'hoariva gant ur strollad amatourien hag amatourezed. Kaset eo gant Mona Caroff a zisplego hiroc'h diwar-benn ar raktres-mañ a zo e raktres european "Phōnē" a laka war-wel ar yezhoù minorel. Glenan Guillou zo unan eus ar gomedianed a gemer perzh e Roud Diroud. Gantañ e vez kinniget "ar youc'hadenn" bep Sul war varc'had Sant Loeiz e Brest ivez. Kaset eo an abadenn gant Maëlys Poublanc Poltred : Roud Diroud

D'an 22 a viz C'hwevrer e oa dalc'het forom ar micherioù e brezhoneg gant Stumdi e Landerne. Un digarez da lakaat ar gaoz war plas ar brezhoneg e bed al labour gant : - Meriadeg Vallerie en deus kaset an enklaskoù "Ar postoù labour hag ar brezhoneg" e 2012 ha 2022 gant Ofis publik ar brezhoneg. - Aourell Couteau eus servij heñchañ Stumdi - Rozenn Le Plénier e-karg eus ar brezhoneg e kentañ derez e skolioù katolik e Penn-ar-Bed - Nolwenn Horellou, karget eus ar c'hehentiñ gant Diwan - Cyril Mocquard eus an Institut national supérieur du professorat et de l'éducation (INSPE) e Sant-Brieg - Patricia Legrand-Peoc'h eus Bureau Information Jeunesse (BIJ) Brest - Sterenn Le Guillou, karget a ziorren an dudi Brezhoneg/Gallaoueg e Union Bretonne pour l'Animation des PAys Ruraux (UBAPAR) - Natacha Guénolé, merourez rouedadoù sokial "Nat B. Good" Kaset eo an abadenn gant Erwan Blanchard ha Maëlys Poublanc

Erwan Blanchard, kelaouer war gefridi e Pariz gant Brudañ ha skignañ, en doa enrollet stourmerien ha stourmerezed a oa er vanifestadeg kaset gant "Evit ma vevo hor yezhoù" d'ar 7 a viz C'hwevrer : ---Gregory Moign, renerer lise Diwan Karaez ---Anwenn Bricaut-Salomon, liseadez ---Nina Bidault, liseadez ---Matilin Tepot, lisead ---Inès, ur skolajiadez eus bro Euskadi ---Yves-Marie Derbrée-Salaün, teñzorer Diwan ---Pol Molag, ezel eus ar strollad "Evit ma vevo hor yezhoù" ---Adèle Pinon-Langlais, dileuriadez. Kaozet he doa gant an deputeed.

Sevel ur c'harr-nij penn-da-benn ? Deuet eo a-benn d'e huñvre Loeiz Noblet ha padal ne oa ket a-vicher ! Deomp gantañ e aero-kleub Gwipavaz el lec'h m'emañ staliet Chouchennn 1, e garr-nij. A-hed an abadenn e vo klevet Jean-Marie Jacq, blenier ivez. E fin e kinnigo ur gentel bleniañ ur c'harr-nij da Herve ar Beg. Enrollet e oa bet gantañ e 2011. Embannet eo an abadenn gant Maëlys Poublanc.

Digoret vo an abadenn gant kronikennoù Leo, Tess & Romane ha Lila eus lise Tristan Corbière Montroulez. Testeni Kristell Kombod a vo klevet, skolarez e Sant Edern Ploudern, diwar-benn ur veaj bet graet ganti e Oslo gant Erasmus evit gwelet penaos e vez graet "skol er maez" d'ar skolidi ahont. Klozet 'vo gant ur fablenn "Al Louarn ha Marharid gouzoug-hir". Gant Dominique Thepaut. Gant Karolina.

Da zigeriñ an abadenn 'vo klevet kronikennoù savet gant Jean, Gwenvel ha Lou eus Lise Tristan Corbière e Montroulez. Kendalc'het 'vo gant un dibab geriennoù ha lesanvioù a gaver 'barzh levr-pladenn Dastum Bro-Leon "Brezhoneg ar 'ro". Mikael Madeg 'vo klevet. Ur fablenn goude-se gant Dominque Thepaut "Bodadeg gant ar Razed" hag e vo klozet gant barzhoneg Anjela Duval "Va c'halon" da geñver "Froudennoù Jil". Gant Karolina

Kaoz 'vo diwar-benn levr-pladenn " Brezhoneg ar 'ro" skrivet gant Mikael Madeg hag embannet gant dastum Bro-Leon. Ur sell a-dostoc'h hiziv war ar pezh 'zo heverk da vrezhoneg Eusa a-fed yezh. "Froudennoù Jil" a vo ivez: div varzhoneg ("Gwennilied" diwar ar Barzhaz Breizh, "Porzh" gant Roparz Hemon hag un ton warlerc'h dibabet gant Jil!) Fin an abadenn e adkavimp Ildut a-benn displegañ ar mod da ober war-dro ar girzhier. Gant Karolina.

Pemp strollad kan eus ar vro a ginnigo ur veilhadeg fenoz e Gwipavaz. Kanerien ha kanerezed ar c'hevredigezhioù Skolpad Lokournan, Gwalarn (Ar Releg), War roudoù ar Gelted (Gwipavaz), An Daoulamm (Plougastell) hag Ar vro bagan (Plougerne) a vez bodet teir gwech ar bloaz evit kinnig ar c'hanaouennoù e brezhoneg o deus desket. Jean-Claude Emeillat, prezidant ar gevredigezh War roudoù ar Gelted, a lavaro hiroc'h diwar-benn an abadennoù-se anvet "TRO-KAN". En abadenn-mañ ivez : - Véronique Ladan hag hec'h avantur en abadenn dele Foeterien - Ul lodenn eus yaouankiz Katerin ar Gov, 105 vloaz anezhi, maouez koshañ Daoulaz Embannet eo an abadenn gant Maëlys Poublanc

Bep bloaz e miz Genver e kinnig Bleunioù Sivi, kelc'h keltiek Plougastell, un taol-lañs evit an triadoù a son sonerezh da zañsal. Ar bloaz-mañ eo aet ar maout gant ar strollad Leved' Tatañ. Klevet e vo Emma Gélébart eus Bleunioù Sivi ha Malo ar Gall, soner fleüt an triad "Leved' Tatañ". Embannet eo an abadenn gant Maëlys Poublanc Poltred : Irène Mopin