Larsen ha mediator !

Salud deoc’h tud kozh ha yaouank, donemet e Larsen ha Mediator, an abadenn a spluj er mare-mañ er bloavezhioù 80 evit taolenniñ ar meuriadoù, al luskadoù hag isluskadoù zo deuet war-wel e istor ar rock. Hag hiziv emaomp o vont d’ober un droiad e bed ur vandennad boys bands a implije lakennoù blev e-pad eurvezhioù evit kaout brushing Farrah Fawcett hag a blije dezho ar mouchoueroù kerc’hen jipsianezed hag al leggins loupard… Pell diouzh feulster ar sonerezh metal a sailhe warnoc’h e oa an hair metal, pe ar glam metal, pe ar pop metal, pe an hard FM, pe slease metal (metal lastezus), evel ma karit, ar sonerezh nemetañ e lec’h ma klaske ar sonerien tapout merc’hed a oa gwisket minapl en o c’heñver, ur sonerezh loc’het eus ar west coast en eighties ha deuet da vezañ mainstream d’ar pimperlamm… Playlist : - Van Halen : Panama - Atersadenn Vince Neil gant Sam Dunn evit e stirad « Metal Evolution » (Banger films) - Mötley Crüe : Girls, girls, girls - Quiet Riot : Come on feel the noise (foñs son) - Poison : Talk dirty to me - Cindirella : Shake me - Bon Jovi : Living in sin - Guns N’ Roses : It ‘s so easy Levrlennadur : - The Guardian 08/11/2022 : « It’s hairmageddon! Is the leather-codpieced world of glam metal making a comeback? ». pennad gant Alexis Petridis

Kenderc’hel a reomp gant hor beaj e istor ar chadenn MTV, ur chadenn aet da netra hiziv met ur chadenn he deus stuziet kevredigezh amerikan an eighties ha nineties hag alese Europa ivez da heul... Playlist : - The Dead Kennedys : MTV get off the air (tennad son) - Dire Straits : Money for nothing - Run DMC & Aerosmith :Walk this way - My Life On MTV, The Evolution of Snoop Dogg (tennad son) - Snoop Dogg : Who Am I (What's my name) - Guns ‘n Roses : Welcome to the jungle - Eric Clapton unplugged : Tears in heaven - Nirvana unplugged : The man who sold the world (foñs son) - Nirvana : About A Girl (Live On MTV Unplugged) Levrlennadur : I Want My MTV: The Uncensored Story of the Music Video Revolution - Rob Tannenbaum and Craig Marks - Dutton Penguin

Kentañ a viz eost 1981, war ar c’hanol 67 e weler ur fuzeenn o tibradañ ha Neil Armstrong o plantañ ur banniel war al loar met e lec’h ar Stars and Stripes eo logo ar chadenn nevez MTV, evit Music Television. Tregerniñ a ra ur vouezh : «Ladies and gentlemen, rock ‘n roll», ur gwir tsunami e istor ar rock, ar pop culture dre vras hag ar sinema e vo… Playlist : - An div eurvezh kentañ eus MTV, video e Youtube (tennad son) - The Buggles : Video killed the radio Stars. - Pat Benatar : You better run - Kim Wilde : Kids in America - Kampagn bruderezh MTV : I want my MTV - Duran Duran : Girls on film - Hezakya Newz and films : teulfilm 1983, "MTV discrimates against black artists» (tennad son) - Atersadenn David Bowie e MTV News e 1983 gant Marc Goodman (tennad son) - Mickael Jackson : Thriller - ZZ Top : Gimme all your loving Levrlennadur : I Want My MTV: The Uncensored Story of the Music Video Revolution - Rob Tannenbaum and Craig Marks - Dutton Penguin

E lâret ‘m eus dija : pa gomzer eus sonerezh, e pep luskad ez eus nouspet chapel warn-ugent. Petra eo an new wave ? Synthpop, new romantics, rock gotek, rock indus hag all, hag all, chapelioù meump bet tro da gomz diwar o fenn en abadenn dija. Se zo kaoz eo gwelloc’h d’am meno komz eus post-punk. Bepred ‘m eus merzet em boa laosket a-gostez e dirolladur an abadenn strolladoù anavezet gant an holl. Sur a-walc’h e oa abalamour da se em boa o dilezet met diaes eo memestra chom hep komz deus ar strolladoù a dalveze an new wave e penn al lodenn vrasañ eus an dud e deroù an eighties… Playlist : - U2 : I will follow - U2 : October (foñs son) - U2 : New Year’s day - U2 : Pride in the name of love (foñs son) - Simple Minds : Don’t you -Killing Joke : Eighties - Echo and the Bunnymen : Killing moon Levrlennadur : - « L’odyssée du rock », florent Mazzoleni, Hors Collection Editions - New Wave : du post punk à la new pop - Stéphane Bachès - Dominique Dupuis embannadurioù

Hiziv e vo kaoz e Larsen ha Mediator eus ilizoù o teviñ, eus muntroù, eus gwarizi, eus ur sonerezh feuls, herrek, teñval a glask enoriñ an dizesper hag an teñvalder, o leuskel korfoù marv war he lerc’h. Setu-ni o plediñ gant ar black metal, ur stil ne oa ket ganet didrubuilh. Playlist : - Mickael Jackson : Thriller (foñs son) - Venom : Welcome to hell - Bathory : Raise the dead - Celtic Frost : Into the crypts of rays - Mayhem : Deathcrush - Burzum : Black spell of destruction (foñs son) - Darkthrone : In the shadow of the horns - Mütilation : A dream Levrlennadur : - Rock and Folk hors-série Metalliques chaos - Metal Story - Andrew O’Neill – Hachette heroes

Kenderc’hel a reomp hiziv ar veaj kroget ar sizhun dremenet e deroù ar bloavezhioù 80 pa zeuas gwagenn nevez an heavy metal breizhveuriat, an NWOBHM, war-wel. Niverus eo bet ar strolladoù rummataet er wagenn-se. Disheñvel-tre e c’hellent bezañ met dre vras e c’heller lâret o deus skubet al levezonioù blues rock a gaved da skouer e Led Zeppelin, hag e felle dezho en em zisheñvelaat diouzh ar bunked a sone ur sonerezh simpl. Setu neuze lec’h d’ar soli gitar ar sizhun-mañ c’hoazh e Larsen ha Mediator, loc’het omp ! Playlist : - Motörhead : Bomber - Judas Priest : Breaking the law - Girlschool : C’mon let ’s go - Raven : Hard ride - Diamond Head : Am I evil ? - Tygers Of Pan Tang : Gangland Levrlennadur : - Rock and Folk hors-série Metalliques chaos - Metal Story - Andrew O’Neill – Hachette heroes

Diaes eo e grediñ bremañ pa seller ouzh ar milionoù a bladennoù gwerzhet er pevar dekvloaziad diwezhañ met e fin ar seventies emañ an heavy metal war e dalaroù. Aloubet eo bet an dance floors gant an disco, ha gant ar punk e seblant ar metal diamzeriet. Marvioù John Bonham, tabouliner Led Zeppelin, ha Bon Scott, kaner ACDC, e 1980 a c’hell leuskel da soñjal e erruer e dibenn ur prantad. E Breizh-Veur e aloub ar post-punk hag an new wave al leurennoù hag ar gwagennoù e lec’h ma klever The Cure, Joy Division, Elvis Costello hag all. Diaes eo d’ar strolladoù heavy metal kavout o flas. Padal, e banlevioù Breizh-Veur Margareth Thatcher eo niverus ar strolladoù… Playlist : - ACDC : Hells Bells - Atersadenn Neil Kay tennet diouzh « Heavy : The story of metal 2 : British steel » sevenet gant Michael John Warren evit VH1. - Atersadenn Neil Kay tennet diouzh « Heavy Metal Britannia » sevenet gant Chris Rodley e 2010 evit ar BBC. - Samson : Too Close To Rock - Iron Maiden : Run To The Hills - Iron Maiden : The Duellists - Def Leppard : Rock Of Ages - Saxon : Motorcycle Man Levrlennadur : - Rock and Folk hors-série Metalliques chaos - Metal Story - Andrew O’Neill – Hachette heroes

« Louder, faster, harder » eo ger-stur ar wagenn nevez a bunked a zifoup e banlevioù ar c’hêrioù bras graet eus lodennaouegoù, kreizennoù kenwerzh, burevioù ha parkvaoù, un endro trist da leñvañ e lec’h ma vev al lodenn vrasañ eus ar boblañs. E kreiz ar bloavezh 79 ne chom o seniñ punk nemet ar re gendrec’het, muioc’h underground e teu al luskad da vezañ. Ar gounnar tufet ouzh penn an dud a c’hwezh an enoe, ar c’hoant da skubañ an Eagles, hag ur gevredigezh korfkenet. Playlist : - Reagan o touiñ aléjañs : Tennad son (Ronald Reagan Presidential Library) - DOA : Fucked Up Ronnie - Tennad son eus atersadenn Henry Rollins en teulfilm « Punk Attitude » sevenet gant Don Letts evit Qwest TV - Black Flag : Rise Above - Black Flag : Revenge, tennet eus an teulfilm « The Decline Of Western Civilization », sevenet ha produet gant Penelope Spheeris, skignet gant Nu-Image Film - Circle Jerks : Wild in the streets - Agnostic Front : Gotta Go - Bad Brains : Banned in D.C. - Minor Threat : Out Of Step - Youth Of Today : No More - Tennad son eus un abadenn « America ‘s most wanted » kinniget gant John Walsh skignet war ar chadenn skinwel Fox hag anvet "Salt Lake Straight Age". - Fugazi : Shut The Door Levrlennadur : - Inrocks 2 : Punk ! Les 30 ans d’une insurrection culturelle. - Sangheon Lee. Urgence et nihilisme : l'émergence du punk hardcore américain. Art et histoire de l'art. Thèse de doctorat en musicologie Université Gustave Eiffel, 2022.

Ne voe ket un tsunami punk er States pa voe embannet albom kentañ ar Ramones. Ret eo bezañ sklaer, war-bouez New-York ha Los Angeles e voe dister emled ar punk. Un nebeut punked bodet tro-ro d’an Dead Kennedys e San Francisco met quid eus an Teksas, eus ar midwest, eus stadoù ar su. Troiad ar Pistols e 1978 a oa bet ur c’hwitadenn splann, ha sklaer e voe evit ar strolladoù lec’hel : evit bevañ e oa ret fiñval war-zu ar c’hêrioù bras, ar pezh a raimp hiziv e Larsen ha Mediator. Playlist : - Unit 3 with Venus : Beer - Boz Scaggs : Lowdown (foñs son) - X : Los Angeles - X : Soul Kitchen - The Germs : Lexicon Devil - The Dickies : Sounds of Silence - The Weirdos : 7&7 is - Jello Biafra campaign : tennad son eus an teulfilm « Fresh fruit for rotting eyeballs », sevenet gant Eric S. Goodfield evit Manifesto Records. - Dead Kennedys : Kill The Poor - The Dills : I Hate The Rich - Tennad-son eus atersadenn Keith Morris en teulfilm « American hardcore » sevenet gant Paul Rachman, produet gant Steven Blush, skignet gant Sony Pictures. - Black Flag : TV Party Levrlennadur : - « Punk, l’histoire complète » : Pennadoù Mojo Magazine embannet gant an ti-embann Tournon. - Rolling Stone HS : 1976-2016 : Punk is not dead 40 ans d’outrage rock. - Inrocks 2 : Punk ! Les 30 ans d’une insurrection culturelle.

E-kreiz ar bloavezhioù 70 e teu ar punk da vezañ arouez ar bec’h a zo etre ar straed hag ar star-system, netraouriezh an No future enebet ouzh Peace and love an hippied. Plas d’ar gounnar, d’an dispac’h ha buan-tre d’ar goanagoù o vont da get. Adalek fin ar bloavezh 77 e c’heller lenn war mogerioù kêr Londrez « Punk is dead ». Terzhienn ar c’hrouiñ digabestr zo bet doñvaet gant un nebeud produktourien o deus gouiet tennañ splet deus al luskad evit e dreuzfurmiñ e stereoipoù kenwerzhel. E straedoù Londrez e c’heller neuze gwelout bandennadoù klonoù, gwisket « punk », luc’hskeudennet gant an douristed. Koulskoude e chom strolladoù na glaskont ket ar brud, ar streetpunks ! Seniñ a fell dezho evit o c’henseurted ar street kids, plijout d’o selaouerien ha selaouerezed eo ar pouezusañ. Playlist : - Garry Johnson : United (Carry on Oi! Version) (Tennad son) - Sham 69 : Hurry Up Harry - Cock Sparrer : England Belongs To Me - Cockney Rejects : Oi, oi Oi - Angelic Upstarts : Police Oppression - Antisocial : New Punks (foñs son) - BBC TV : 1981‘s Southall riot - The Exploited : UK82 - Discharge : Hear Nothing See Nothing Say Nothing - The Exploited : God saved the queen Levrlennadur : ============== - « Honnie soit la Oi ! » Naissance, émergence et déliquescence d’une forme de protestation sociale et musicale - Gildas Lescop – Openeditions journal =========================================================================================================================================================================================================== - The story of Oi! - Pajenn web lec’hienn Garry Bushell « Garry bushell online, no one is safe ! »