Trouz er gêr

"Nozvezh ar sorcières ", ur festival da zifenn gwirioù ar maouezed, a vo d'ar 24 a viz Gwengolo e Speied. Klevet 'vo Joelle Perrot eus Amnesty Bro an Aberioù. Un abadenn gant Karolina.

Bagad Kornog a zo ur skol bagad lec'hiet e Lesneven evit ar re vihan hepken. An hini kentañ eo ha chom a ra plasoù c'hoazh evit mont ganto. Thomas Gaudin, gravour e Landerne, 'vo klevet ivez evit lakaat ar gaoz war e waskerezh a zo an hini vrasañ er bed. Kinniget gant Pauline Daniel. Sonerezh : 'Ndiaz - Mets en pas tant si (Ridées) Brieg Guerveno - Tra ma vo Recondite - Tie In (acid test) Bel Air de Forro - Eu Sou Assim

null

Setu eil lodenn an abadenn gouestlet da "Veurgorf", geriadur istorel ar brezhoneg, savet gt Ofis publik ar brezhoneg. Ur benveg dispar o tiskouez penaos ez a ar gerioù da cheñch gant an amzer, o kemer sterioù disheñvel, o vont da get ivez a-wechoù all. Tanguy Solieg ouzh mikro Karolina

Un diskouezadeg gouestlet d'an dilhadoù hengounel penn-kentañ an XXvet kantved e bro Chelgen a zo da zizoloiñ er mare-mañ e Plouneour-Menez. Pauline Daniel a zo bet heñchet gant Gwendal Jacob, deus kelc'h Danserien Lann Tivizio.

Gant Lomig Maubian hag Ifig, amezog ar chapel , e vo lakaet ar gaoz diwar-benn pardon Sant Anton a vez sulvezh kentañ miz Gwengolo e Plouziry. D'an devezh-se e vez gwerzhet kig-moc'h hag anduilh diouzh ar c'hresk ! Un digarez 'vo ivez da ober tro ar chapel. Un abadenn kinniget gant Karolina

Goude bezañ studiet an heuliad "Fin ar bed" gant e skolajidi e Kastell-Paol, ’oa bet soñjet gant ar c'helenner Fabris Kadou pediñ unan eus aktourien bennañ ar film: Nolwenn Korbell. Tammoù eus ar gejadenn a vo roet deoc'h da glevet. Gant Karolina

Ur sell a-dostoc'h war ar pennadoù a zo bet skrivet gant Tristan Loarer barzh al levr " La littérature en langue bretonne des origines à nos jours". Klozet 'vo gant ur c'hrenn-lavar displeget gant Dominique " An hailhoned eo a ra ar wazed". Gant Karolina

Disul e vo lidet 40 vloaz ar gevredigezh "Peuples solidaires" e Landerne. Aline L'Hour a zo a-youl vat gant skourr Lesneven a gonto deomp ar pezh a vez graet gant ar gevredigezh-se evit gwirioù ar broioù estren. Graet e vo anv eus ar "Festival des solidarités" a vez dalc'het er mare-mañ ha betek d'ar 7 a viz Kerzu e Lesneven ivez. Kinniget eo an abadenn gant Maëlys Poublanc.

Ul lavarenn gant Dominique Thepault da zigeriñ an abadenn " Bep ki zo mestr war borzh e di". Ha goude-se e raimp anaouedegezh gant Nathan Quenault, paotr an teknik e Strollad ar Vro Bagan, Yannig mil micher anezhañ. Klozet 'vo gant "Alc'hezioù brezhoneg" gant Mikeal Madeg. Diwar-benn gerioù ar sex. Gant Karolina