Trouz er gêr

Francine, a Benzez, n'eus darempredet ur paotr a-raok dimeziñ. Un istor karantez trist a-walc’h rak eo bet lazhet Jean Baron, hec'h amourouz 'pad brezel an Aljeri. Lizhiri fromus Louis Baron 'zo bet dalc'het gant Francine, ha fiziet en he mab bihan Jean. Ouzhpenn lizhiri karantez eo, remerket 'vez 'barzh al lizhiri penaos eo bet drastet spered ar paotr yaouank gant feulster ar brezel ha n'eus lakaet anezhañ da vezañ feuls ivez. Komprenet 'vez tro-spered gouennelour a veze sanket e penn ar soudarded. Klevet 'vo Francine ha Jean.

Daou levr kinniget hiziv 'barzh an abadenn: "Al liorzh marzhus" skrivet gant Paul Mingant hag embannet gant Keit Vimp Bev. Hag hini Mikeal Madeg " Amzer, mor ha micher" embannet gant Dastum Bro-Leon. Gant Karolina.

Penaos e veze lidet Nedeleg gwechall ? Setu ar pezh he deus goulennet Mireille Arnouat gant annezidi ti ar re-gozh Lanneur. Mersi bras da Vireille Arnouat bezañ kaset enrolladennoù hec'h atalieroù e brezhoneg !

Warc'hoazh e lido Jean-Pierre Kere e 50 vloaz kan da geñver ur fest-noz hag a vo dalc'het e Gwerliskin. Un digarez da gontañ kaoz gantañ eus e leurennoù (ha frikoioù) kentañ, d'ober anv eus an "aquagavotte" ha da selaou anezhañ o kanañ, evel-just ! Sonerezh : Ar vreudeur Morvan - Metig Los Pagailhos - La Sobirana Pat O'May - Breizh Amerika Quéré/Le Menn - Bremañ pa e nevez deut de la goutte Kaset eo ar pennad kaoz-se gant Maëlys Poublanc.

E miz Du he doa kaset Mireille Arnouat un atalier e brezhoneg diwar-benn ar sistr e ti ar re-gozh Lanneur. An annezidi o doa kontet o eñvorennoù pa zastument avaloù ha pa valent anezhe.

Daou bennad-kaoz kinniget gant Erwan evit ober anv eus feulsterioù a-berzh poliserien pe archerien zo. Daou desteni a vo. Hini Maï, bet o vanisfestiñ e Sainte-Soline e 2023 a-enep raktres méga-bassines. Hag hini Gweltaz bet e Roazhon n'eus ket keit-se zo da vanifestatiñ a-enep politikerez ar gouarnamant. Ouzhpenn en abadenn, "Froudennoù Jil". Gant Karolina.

Disul e vo dalc'het ur veilhadeg hag ur fest-deiz e Lambaol-Gwitalmeze evit an Telethon. Mikeal Konk zo unan eus an aozerien. Dre bellgomz emañ ganeomp. Devezh klozañ Festisol a vo warc'hoazh e Lesneven. Aline L'hour eus ar gevredigezh "Peuples solidaires" a ginnig program an devezh. Ur pennad-kaoz gant ar fañfar Hej da ru! a sono warc'hoazh e Montroulez. Sonerien hag ur sonerez eus ar strollad a oa gant Pauline Daniel e miz Du er festival Deus'ta!

Da geñver saloñs Bae al levrioù Sant Martin Montroulez oa bet aozet un daol-grenn diwar-benn al lennegezh e brezhoneg evit ar re yaouank. Gant Maela Ily, Youenn Philippe, Gwenola Coik, Clyde Dlugy Belmont, Laurence Lavrand, Valerie Geoffroy, Riwanon Kallag evit an treiñ...ha tud all c'hoazh... Un abadenn buhezet gant Kristian Braz.

An eil abadenn gant Pierrig Mellouet diwar-benn e levr "Eskemm, Quêteurs de mémoire en Bretagne". Gant Karolina.

O paouez bezañ embannet emañ pladenn nevez an daouad-rap Plouz&Foen. Toutz ha Kavalou a gont deomp penaos o deus kenlabouret gant arzourien hag arzourezed all evit sevel 14 roudenn-son "D'an neb a glevo". Warc'hoazh e kanint en davarn "Le Keltia" e Landerne da heul ur genstrivadeg "kunujennoù". Pennad-kaoz kaset gant Maëlys Poublanc