Kreiz Mintin

Loeiz Konan' oa get Raymond en Diaot e Pleheneg. Raymond a gaoja a lod kaer a draoù hag ear micheriao 'neus groet durant e vuhez. . Sonerezh -Jean er Meut : Parrez Kervignac -Skolvan : O vont ebiou Landevan -Morwenn Le normand ha Ronan Pinc : Karot dour ha Merc'hed Pleheneg

Daomp en-dro da vale asambl get Jañ-Pol Runigoù hag Andrea ar Gall àr vord ar Blavezh e Kervignag. Desket e vo traoù a-ziàr bered ar bagoù, maner Lokunole, ar besketaerion, Tavarn ar Vretoned, ha surtout a-ziàr Pont ar Boulom, ar pont a zo etre Kervignag ha Lannarstêr.

Klevet vo Jorj Belz é komz a-ziàr ar voaiaj en deus graet e Enez-Vanav, asambl get an Drouzerion, evit monet da ganiñ en ur festival.

D'en eil Sul a viz mae 'vez pardon Saint Matelin e Kistinid. Loeiz Konan 'noe groet konaisañs get Rosalie Elliot ewit kaojal diàr ar pardon. Monique er Boulc'h doe aterset tud ag ar gumun àr ar pardon met ivez ar foerioù ha lod kaer a draoù. Selaoamb neuze doc'h Virginie Tréhin, Mathurin ha Mélanie Le Roux hag aotrou person Marcel Blanchard ha Rosalie Elliot doc'h mikro Loeiz Konan . Sonerezh - Pierre Le Floc'h : Disul de gendahoé. - Jean Guiscriff : Er gêrig-hont a Blañvour. - Carré Manchot : Matelin En Amour

Klevet vo div atersadenn diàr-benn ar skol. Da gentañ e vo klevet Christian Badezet ha Mari-Lou Pochic, aterset get Monik e 1997 a-ziàr skol divyezhek Ploue, hag àr lerc'h e vo klevet Catherine Pasco, aterset get Marie-Laure Groix e 1999, é tisplegiñ perak ha penaos he deus graet skol d'he bugale er gêr.

A-c'houde ur blead bremañ 'd eus ket mui moaian gober filajoù... hag an dra-se a vanka deoc'h, marse ? hama, hiziv e kennigan deoc'h selaou doc'h istoerioù 'oa bet kontet get Pierre Bacon, doc'h mikro Marie-Laure Groix, e 1998.

Bourrabl a vez pa vez klevet istoerioù kontet mat, 'd eo ket gwir ? Hama, hiziv e vo klevet istoer "maget pell", a oa bet kontet get Daniel an Doujet e 1998. Hag àr-lerc'h e vo klevet ur pennad komz get Pier Nignol, François Louis ha Daniel an Doujet, a oa doc'h mikro Marie-Laure Groix é tisplegiñ penaos ha get piv o deus desket an istoerioù a vez kontet gete.

Hiziv e vo klevet div atersadenn a-ziàr Kerne-veur. Klevet vo Christian Hémonic é komz ag ar gevelladur etre Sant-Turiav ha Carlstock, ar vro, an dud, ar boued... hag àr-lerc'h e vo klevet Albert Boché é komz ag ar vro-se ivez : ar maezoù, an aod, an dud, an anvoù-lec'h, ar yezh gerneveg, ar manez Sant-Mikael a zo du-se, hag ar Saozon er vro.

Hiziv en abadenn Kreiz Mintin e vo klevet Jean-Luc Le Guen, anavetoc'h dre e voranv « Chichille », a oa marc'hadour pesked e Kaodan. E 1999 e oa bet aterset get Marie-Laure Groix, he devoa dihunet kourz da vintin evit monet asambl getoñ d'an Oriant, da breniñ pesked er porzh-pesketa, da gargiñ skorn en oto, ha da vonet betak Kaodan da werzhiñ ar pesked. Chichille en devoa komzet geti a-ziàr e vicher.

Dimeurzh e oa Malarde, ha dec'h e oa Merc'her ar Ludu... Ya met petra eo an traoù-se ? A-venn e taont ? Ha petra veze graet an deizioù-se e-raok ? Setu ar pezh a vo displeget deomp get Jude Paboul, a oa bet aterset get Monik ar Boulc'h e 1991. Hag àr-lerc'h e vo klevet un istoer tennet ag ar levr « a liv ar loar hag ar stered ». Er levr-se vez kavet istoerioù a oa bet kontet get Stefani Gwilhom e Porzh-Loeiz, etre 1913 ha 1916, ha dastumet get Iwan an Diberder. Skipailh Radio Bro Gwened ha tud a vro bPorzh-Loeiz o deus en em lakaet d'añrejistriñ (enrolliñ) an istoerioù-se ar blez paset, ha tuchant e vo klevet un istoer anvet « ar siren gouliet get ar rekin er c'hoad tailh », kontet get meur a zen, enrollet get Benoit Allaire, ha frammet get Jeanne Chevrel.