Tramor

Sonerezh hengounel, kanaouennoú dastumet, pojoù saozneg kozh, folk deuet da folk rock, hir an hent evit kompren cheñchamantoù 'n eus digaset ar revival folk e bro Saoz. Gant ar spi vo sklaeroc'h an traoù goude bout selaouet an abadenn-mañ !

Ur stumm a destenner bep taol pa sonjer e hengoun ar sonerezh Iwerzhon. Gwir pe pas ? Daouadoù sonerezh ken brudet ken oant kemeret vel referañs, mod pe vod. Deoc'h da glevet daouad-mañ-daouad em eus choazet en abadenn-mañ !

Clannad, ur strollad deus Gaoth Dobhair e Donegal, en deus graet berzh o krouiñ ur stil dibar etre sonerezh “keltiek” ha new age pe world music ! Deoc’h d’ober ho soñj o selaou dioute. Gwirziennoù don gante e gaeltacht iwerzhon-se, brudet evit an niver a sonerien ha sonerezed.

Atersadenn ar soner Cistre Ronan Pellen evit gwelet istor ha skouerioù sonet ar bemvegoù se. Dre sell an ambrouger hag e vlaz 'po un digarez da gomprenn an diforc'h etre an daou venveg sonnet kalz eno hag amgin ivez bremañ !

Biniaouer brudetañ bro Skos, n eus modernaet an doare da seniñ pegen barrek e oa ! Ur sapre donezon hervez kont. Sonerezh ur gwir mestr d'ur bern biniaouerien a ginnigan deoc'h en abadenn mañ !

Un abadenn gaer tremenet en div yezh ar wech mañ : Saozneg ha Brezhoneg. Aterset em eus Rodney Devine, paotr Iwerzhon an Norzh, evit komprenn ha selaou-douz Rebel songs, kanaouennoù disent, a destenn douz buhez an iwerzhonized an amzer mañ amzer. Trugarekaat a ran anezhañ evit bout komzet deus un danvez frommus dezhañ.

Komzet e kornog ar vro, tro dro 50 000 den a gomz gouezeleg skos c'hoaz. Ur yezh en arvar neuze. Pezh zo, ar c'han gouezeleg e bro Skos zo bev buhezek war leurennoù sonerezh trad ! Kanerezed dreist holl, a gelenn ivez ba skolioù sonerezh pe 'kerzh stajoù, 'vit ma chomo bev mat ar mod ispisial da ganañ du se.

Proviñs ansien er stadoù Unanet lec'h vet klevet galleg c'hoaz hiziv an deiz. Aterset em eus Maxime Morvan Crahe, soner Melodeon vit komprenn petra eo sonerezh ar vro Cajun, ha petra eo an diforc'h etre Haricots ha... Zydeco, lakaomp !

Daou strollad e penn revival ar bloavezhiou 70 neus padet pell ha gwell ba spered an dud giz an daou strollad brudetañ vit reiñ nerzh en dro d'an hengoun. ur Folk hengounel, hag un hengoun Rock N Roll ma karit! [ Récupérez vos fichiers ] (https://wetransfer.com/downloads/73f6655f3c1d84ec14927bd30451542120240311132053/af671da61e66bcc8f240a7fb7639e07b20240311132111/ae4493?trk=TRN_TDL_01&utm_campaign=TRN_TDL_01&utm_medium=email&utm_source=sendgrid)

Strollad brudetañ sonerezh trad iwerzhon : muioc'h vit 40 pladenn gwerzhet, sonnet dirak millionou a dud... Deoc'h da brofitañ ha da glevet istor ar bodad sonerien zo bet barzh.