Tramor

Lankum, ur strollad deus Dulenn. An neb a selaouo dioute 'gomprenno raktal petra dalv selaou douz kanaouennoú kozh bout kanet n’ur mod nevez memes tra : klask mirout ur sentimant ispisial hag enoriñ amzer didermen an tonioù.

Atersadenn Marion Portanguen, bet stajiadez er radio, a zo 'teskiñ brezhoneg. Fleuït 'son-hi, ha d'he zrugarez 'klevimp meur a-zoare disheñvel da seniñ Fleuït a-dreuz en Iwerzhon hag amañ, ba'r vro.

Atersadenn Yoann An Nedeleg diwar benn ur bemveg tost hor c'halon dioutañ : ar pib ilin ! "The piper's choice", "dibaboù ar soner" en abadenn-se 'giz vez lâret 'badum' !

Atersadenn ar soner Goulven Le Pennec, o kinnig deomp tonioù akordeoñs choaziet gantañ, un digarez da zeskiñ traoù nevez diwar benn an akordeoñs daoudonek iwerzhon !

Strollad staliet ha gwriziennet en donegal, Altan zo brudet dre pevar c’horn ar vro ! En Donegal, e hanternoz iwerzhon, vezer kustum da welet sonerien ha sonerezed a lako ho kalon da dommañ michañs ! Trugarez vraz a laran da Martin Tourish, soner akordeoñs Altan, en deus roet sikour din evit lakaat da geñver buhez ar strollad em abadennig !

Dav vo deomp treuziñ mor Breizh vel just, meurvor atlantel, ha pleg mor Gaskogn zoken ! Sonerien ha sonerezed iwerzhon, skos, amerikan hag all neus foetet bro, erru ba breizh, renkontret sonerien ar vro, ha desket gante an ton-mañ-ton…

Beajiñ ha foetañ bro, pe mont kuit ha divroañ... Ar veaj a greiz tout…. setu skrivet tem an abadenn. Awen an arzourien hag arzourezed evit kompoziñ ha kanañ war un dro, a vouezh uhel o zristidigezh da gimiadiñ, pe o c'hoant fiñval ken don.

Meur a stil zo bet mesket gant sonerezh hengounel bro Iwerzhon. Kerzhout a ra mat ar fusion, pe gamm hag iskiz a c'hell bezañ ! Deoc'h da selaou ouzh strolladoú bet brudet evit o labour meskañ!

Sonerezh hengounel, kanaouennoú dastumet, pojoù saozneg kozh, folk deuet da folk rock, hir an hent evit kompren cheñchamantoù 'n eus digaset ar revival folk e bro Saoz. Gant ar spi vo sklaeroc'h an traoù goude bout selaouet an abadenn-mañ !

Ur stumm a destenner bep taol pa sonjer e hengoun ar sonerezh Iwerzhon. Gwir pe pas ? Daouadoù sonerezh ken brudet ken oant kemeret vel referañs, mod pe vod. Deoc'h da glevet daouad-mañ-daouad em eus choazet en abadenn-mañ !