Avel em fenn

Festival krouidigezhioù get sonerezh a Vreizh [Zef & Mer] (https://www.leszefetmer.bzh/) a vez dalc'het evit an 11vet blead! Un digarez evit monet da welet piv n'eus sonet d'ar Sadorn 20/01/2024 e Guer. Muioc'h da glevout get daouad Endro (Neven Penneg & Klervi Rouillé); ar c'honter Lukaz Nedeleg bazhvalan an darvoud, hag Erwan Ivenou perzh ag an aozadur. Ur reportaj get Enora Molac. Koupaia Mahe a zo masonerez ar glad, hi zo hi pedet ar sizhun mañ e Pennad-kaoz ar sizhun. O reneveziñ Chapel Sant-Gwilhom emañ, e kreiz-kêr Sant-Brieg. Ur reportaj get Maëlle Ausias ag RKB. [Foeterien e bro Makedonia] (https://www.brezhoweb.bzh/Foeterien-makedonia-foeterien-macedoine_fiche_4241.html) a vez skignet er mare-mañ, muioc'h get Florent Grouin, karget ag ar produiñ evit Brezhoweb! Keleier ar vro get Tunvezh Wloeguen Grandjean dre-eeun a Rostrenn e studio RKB, Avel em fenn a zo bet animet get Enora Molac dre-eeun a Bondi e studio RBG.

Skipailhad [ an Deizioù] (https://emglevbroanoriant.bzh/spip.php?article2359) a zo deuet d'ar studio evit komz ag ar festival: Anaig Lukaz, Sylvain Lignol & JañLug ar Mouel a sonay er sonadeg digorlid a benn Disadorn. Muioc'h e penn kommañs an abadenn a-ziàr ar prantad 100 darvoud àr-dro da sevenadur ar vro e bro An Oriant. Ar vaouez pedet ar sizhun-mañ get Maëlle Ausias (RKB) a zo Koupaia Mahé, masonerez ar glad, selaouit ar reportaj a dammigoù bemdeiz e fin an abadennoù ar sizhun-mañ geti, e reneveziñ Chapel Sant-Gwilhoù e kreiz-kêr Sant Brieg. Adkavit ivez War hentoù an Antroposenn get Loeiz Belleg ha neventioù FR3 Breizh e kompagnunezh Mael Gwenneg rener FR3 Breizh. Keleier ar vro get Yuna Cojean dre-eeun e studio RBG e Pondi, asambl get animaterez an abadenn Enora Molac.

'N eo ket aes evit ar skolioù publik kavout skolaerien ha skolaerezed da zont da labourat er skolioù. Ha memes mod evit ar c'hlasoù divyezhek. Tunvezh Wlagen-Grandjean a zo bet oc'h atersiñ Elisa Bleunvenn ha Cyril Mocquart, kenurzhierezed ar Master MEEF e INSPE Sant Brieg. Eil lodenn ar gronikenn Las Entrevistas gant Pierina, ur vaouez ezel deus Radio Humedales, ur radio feminist ha lesbian e Concepcion, e su Bro Chile. Ur gronikenn gant Anjela Stephan. Keleier ar vro hag ar bed gant Yuna Cojean Pevare lodenn Pennad-kaoz ar sizhun gant Glenn Gouthe o komz deus e raktres teul-film : Evor.

Pierre Beaugendre a zo ezel deus ar gevredigezh Meskaj e norzh bro Dreger. Ar gevredigezh-mañ a sikour hag a ro bod ha boued da tud yaouank dibaper. Displeg a ra e Atersadenn an devezh, deus mikro Tunvezh Wlagen-Grandjean perak e gav mantrus al lezenn war an divroidi. Eil lodenn ar gronikenn Barzhaz war al levr An enezenn gevrinus gant Jules Verne troet e brezhoneg gant Stefan Carpentier hag embannet gant Al Liamm. En eil lodenn-mañ e ro Magali he soñj deomp deus sell sokiologel ha biologel Jules Verne en e levr. Keleier ar vro hag ar bed kinniget gant Anton Burel Ur gronikenn nevez : Ur sizhun, ur c'hoari, kaset gant Ninnog Guillois-Le Dissez, en servij keodedel e RKB. Hiriv e gomz deus ar c'hoari Zombi Kidz Lodenn diwezhañ Pennad-kaoz ar sizhun gant Glenn Gouthe deus mikro Enora Molag evit komz deus e raktres teul-film war tud ar Morbihan : Evor.

Jean-Daniel Bourdonnay a zo ezel deus ar gevredigezh Refrac'terre e Tregorn war kumun Groñwel. Ar gevredigezh-mañ a stourm evit ma ne vefe ket voaien d'ar gevredigezh Imerys ober ur pevare toull d'e vein-gleuz Andalousite e Tregorn. Afer ar pevare toull a lak gwask war kumun Groñwel, etre an dud, betek memes rediañ ar maer Thierry Troel reiñ e zilez abalamour ma oa aet kuit bern koñsailherien ha koñsailherezed. Un enklask publik a zo bet lañset e miz Kerzu. Ret eo gortoz bremañ respont ar prefed war ar raktres-mañ.

Ur reportaj hir gant Tunvezh Wlagen-Grandjean en un devezh sonadegoù evit souten pobl Gaza d'ar sul 14 a viz Genver e Lannuon. Klaod an Intanv ha Gaby Kerdonkuñv a ro o soñj war an devezh ha war pezh a dremen e Falestina. Keleier ar vro hag ar bed kinniget gant Erwan Blanchard Kronikenn gentañ Klak klak klak gant Marin In o tisplegañ penaos eo trement sizhunvezh gentañ an Ultim Challenge, ar redadeg war vor evit ober tro ar bed war un trimaran. Trede lodenn Pennad-Kaoz ar sizhun gant Glenn Gouthe o komz deus e raktres teul-film EVOR.

Kavet e oa bet an enrolladennoù ketañ e brezhoneg. Diskouachet oent bet get ar c'hazetenner Tudi Crequer ar blez paset. An hani ketañ anavezet en doa dastummet enrolladennoù e brezhoneg hag e gallaoueg a zo Leon Azoulay, e 1900. Tudi a labour war enrolladennoù koshañ ar brezhoneg evit e dezenn. Emañ o labourat er foñs Vallée e levraoueg broadel Frañs, er BNF e Pariz, evit talvoudekaat an dielloù-son-se. Emañ-eñ doc'h mikro Metig Jakez-Vargas. EVOR a zo anv raktres Glenn Gouthe, un teul-film da lakaat àr wel testenioù tud ar Mor-Bihan. Eñ an hani eo an den pedet ar sizhun-mañ e Pennad-kaoz ar sizhun, da glevout a dammigoù bemdeiz betek Digwener. Adkavit ivez Florent Grouin evit komz ag an abadenn kazetenniñ 13 munut e Parlamant Europa (Bruxelles) skignet à Brezhoweb, ha Keleier ar vro & ar bed get Tunvezh Wloeguen-Grandjean. Avel em fann a zo bet kaset get Enora Molac dre-eeun a Bondi.

Ur magouri nevez e brezhoneg a zo o sevel e bro An Oriant! Muioc'h get tud ezel er c'henstroll Séverine Inkermann ha Gael Briand. Ha moian 'zo roiñ laezh vamm d'an ospitalioù a ra àr-dro pouponed. Amélie Simon he deus muioc'h a laezh evit ezhommoù he foupon, muioc'h a gont a-ziàr ar road laezh-vamm. Atersadennoù get ar gazetennerez Yuna Cojean (RBG). Glenn Gouthe a zo an den pedet genemp ar sizhun-mañ. Emañ ar soner o labourat àr ur raktres teul-film anvet EVOR. Muioc'h getoñ e fin an abadenn mañ. Adkavit ivez Mael Gwenneg rener FR3 Breizh a-ziàr Reizh-direizh ar serienn nevez skignet en abadenn Bali Breizh. Hipathia a oa ur filozofourez e-pad ar 4vet kantved, o kas traoù nevez da benn e Aleksandria muioc'h a-ziàrni er gronikenn War hentoù an antroposenn get Loeiz Belleg. Keleier ar vro get Metig Jakez Vargas dre-eeun a Bloneis e studio Radio Kerne. Avel em fenn kaset hiriv get Enora Molac dre-eeun a Bondi e studio RBG.

Ur manifestadeg a vo aozet e Lannuon d'ar Sadorn 13 a viz Genver evit difenn an ospitalioù war ar maez. [Yann-Fanch Durand, ken-prezidant Komite Souten Ospital Gwengamp ha Trefina Kerrain, dilennadez UDB e kuzul-kêr Lannuon a ro o soñj war stad an ospitalioù ha politikerezh ar Stad.] (https://www.radiobreizh.bzh/episode/60600) [Ar gronikenn Barzhaz] (https://www.radiobreizh.bzh/episode/60596) war al levr An enezenn gevrinus - Lodenn 2 : An den dilezet. Bet skrivet gant Jules Verne ha troet e brezhoneg gant Stefan Carpentier. Lodenn diwezhañ Pennad-kaoz ar sizhun er stal Friko e Gwimaeg. Hiriv e reomp tro ar stal gant Dylan Simon, keginer.

Un atersadenn war-eeun gant Jean-Daniel Bourdonnay war ar pevare toull en deus c'hoant an embregerezh Imerys d'ober e Tregorn, war kumun Groñwel. Stourm 'zo gant an dud 'ba'r barroz ha tro-dro. Distreiñ 'ra war saotradur an embregerezh mein-gleuz Andalousite ha war an aergelc'h er vro. Keleier ar vro hag ar bed kinniget deoc'h gant Anton Burel Pevare lodenn Pennad-kaoz ar sizhun er predti Friko e Gwimaeg, Dylan Simon a zispleg ar c'hoant hag ar pezh a vez lakaet e plas gant e genseurt, Yoann Puilh, evit ma vefe digor o ostaleri d'an holl.