Ali lenn ar sizhun

Bep sizhun e kinnig unan eus levraouegerien mediaouegoù Kemper kummuniezh ul levr dibabet ganto, nevez deuet maez pe choazet e dielloù ar mediaouegoù. Dibab Per Meñs Pegail ar sizhun-mañ a zo ur romant gant ar barner enep-terorist Marc Trevidic, Ahlam.

Alioù lenn Ronan Debel, mediaoueger en Ursulinezed, a vo troet war an istor hag an natur gant levrioù gant ha diwar-benn Georges-Louis Leclerc, anavet gwelloc'h dre e ditl a noblañs, Kont Buffon. Buffon, le sacre de la nature gant Gilbert Joseph ha L'histoire naturelle gant Buffon.

Ali lenn ar sizhun a blijo d'ar re sot gant an istor, ha dreist-holl hini an eil Brezel Bed. E-touez ar re-se 'mañ Ronan Debel, mediaoueger en Ursulinezed e Kemper. Les Maîtres de l'air gant Donald Miller, da emprestiñ e rouedad mediaouegoù Kemper kummuniezh.

Ali lenn ar sizhun, ur romant aes ha skañv daoust d'an tem skrijus. Kinniget gant Maryse Evrain eus mediaoueg an Ursulinezed. Les gens heureux lisent et boivent du café gant Agnès Martin-Lugard.

Maryse Evrain eus mediaoueg an Ursulinezed 'ba Kemper a gas ac'hanomp d'an tu all d'ar Mor Atlantel gant romant Richard Ford, Canada, en deus tapet ur priz Pulitzer.

Dibabet ez eus bet gant Per Mens Pegail eus mediaoueg an Erge Vras ul levr gant unan eus ar skrivagnerezed gwellañ er mare-mañ, Carole Martinez, bet tapet ganti meur a briz dija, en o zouez Renaudot des Lycéens ha Goncourt des lycéens. La Terre qui penche gant Carole Martinez.

Ouzhpenn ar romantoù zo e bed al lennegezh. Ar bandennoù treset a c'hell bezañ teñzorioù leun a varzhoniezh. Pêr Mens Pegail, mediaoueger en Erge Vras, a ali deomp lenn ur vandenn dreset a blij dezhañ kalz. Love in vain gant Mezzo ha Jean Michel Dupont, istor kriz ur bluesman.

Maryse Evrain a lak ac'hanomp da veajiñ ar sizhun dre levr Calum Toibin, Nora Webster, maouez iwerzhonad o tizoloiñ ar sonerezh klassel. Tu zo emprestiñ al levr e rouedad mediaouegoù Kemper kummuniezh.

Le Chemin des âmes gant Joseph Boyden, ur skrivagner a vro Ganada a gont istor an Amerindianed hag ar minorelezhioù. Kinniget gant Per Meñs Pegail eus mediaoueg an Erge Vras.

Ronan Debel, mediaoueger en Ursulinezed e Kemper, a zo paotr al lapoused hag an natur. Kinnig a ra deomp un atlas brav-eston gouestlet da vronneged Breizh. Atlas des Mammifères de Bretagne, ed. Locus Solus