An divskouarn o nijal

Un abadenn diell gant Hervé Ar Bec diwar-benn levr 1973 gant Bernez Tangi.

Evel bep dibenn-bloaz eo bet bodet lod eus he skrivagnerien gant Skol Vreizh, digarez da ginnig an nevezentioù ha dezho da sinañ o levrioù. Reun a oa aet di hag aterset eo bet gantañ un nebeud diouto.

E dibenn miz Gwengolo eo bet difennet he zezenn gant Rozenn Milin goude 7 vloavezh labour. Fellout a rae dezhi kompren gwelloc'h penaos eo bet difennet ouzh an dud komz brezhoneg pe yezhoù bihan all er bed gant ar stadoù. Eman-hi ouzh mikro Reun.

Kinnig a ra Mikael Baudu (Gwengolo Filmoù) e deulfim nevez diwar-benn buhez hag oberenn Martial Menard: "E jardrin ur stoumer". Enrollet gant Reun Treger

Jil Penneg, aktour, troour, skrivagner ha bet o labourat e bed ar brezhoneg 'pad un tregont vloaz bennak. Deuet da Arvorig da ginnig ivez trede levrenn "Koktel ar vuhez" embannet gant al Liamm. Un digarez da c'houzout gant petra e vez awenet evit sevel e zanevelloù. Enrollet gant Reun Treger.

D'ar 24 ha d'ar 25 a viz Gwengolo, zo bet bodadeg ar vretonned a zo ezel deus Europa Ekologiez ar re C'hlas e Brest. Un digarez da lakaat ar goaz war dazont an treuzkemm ekologel e Breizh. Tud pedet : Rosalie Salaün ekologourez deus Rostren, Olwen denez, kuzulier departamant Il-ha-Gwilen, Glen Dissaux, bez-prezidant Brest Meurger.