Petra nevez er vro ?

E miz Du en doa sonet Harjit Singh gant an telennour Andrea Seki e Kommanna. Abaoe tri bloaz e kinnig an tabouliner atalieroù diwar-benn sevenadur bro India gant e skol arzoù hengounel India. Kaozeadenn gantañ.

En abadenn e vimp gant Jo An Duigou hag Hervé deus ar gevredigezh Ti Kuzhet e Lesneven. Meur a bal a zo gant ar gevredigezh-mañ : kempenn un dachenn naturel e Lesneven o plantañ gwez, o kinnig d'an dud liorzhañ tachennoù bihan, sevel ur poull-dour eno, plantañ ur c'hoadeg, etc... Deomp d'ho heul !

Da-geñver ar festival Tan miz Du e vo dalc'het d'ar Sul 23 e Plegat-Gwerann un abadenn e brezhoneg penn-da-benn : c'hoariva, kanaouennoù, kontadennoù... Gwelet e vo war al leurenn ar strollad Kanfartet Lanleya, gant Alain, Hervé ha Rolland. En abadenn e vo roet deoc'h da glevet ivez ar sketch "Soazig lost ar c'harr", ha div ganaouenn gant Brassens, kanet e brezhoneg gant Bernez.

En abadenn e vo klevet : -Fiona Pirret deus kevredigezh Cirque a Leon a ginnigo ur staj sirk e brezhoneg d'an 31 a viz Here e Sibiril. -Mojenn "Pont an diaoul" bet kempennet gant Silvenn Koant

Skignet e vo an teulfilm "Roparz Hemon" savet gant Soazig Daniellou (Kalanna Production) 25 bloaz 'zo d'an 10 a viz Here en oditorium ar Gapusined e Brest, da-geñver 100 vloaz Gwalarn. Ronan Calvez en doa kemeret perzh ivez.

Savet eo bet daou vloaz zo ar strollad c'hoariva "Goémond Goëland" gant Jean-Philippe Davodeau e Bro Vontroulez. Ar bloaz-mañ emañ o labourat war ur pezh-c'hoari anvet "La langue des crêpes" a zo da zizoloiñ e miz Meurzh.

Gant Mael, ezel eus ar gevredizh Petit Tonnerre

Lidet eo bet war-eeun digoradur Arvorig FM Montroulez ! Un abadenn gant : -Jo Calvez, prezidant KLT Ti ar vro Bro Montroulez -Yann-Luk Kloareg, deus ti-embann SKol Vreizh -Gael Roblin, Kargad a gefredi yezh ha sevenadur Breizh evit Bro Montroulez -Yann-Fañch Kerneis, prezidant Arvorig FM

Da greisteiz en abadenn "Petra nevez er vro ?" e roimp deoc'h d'ober tro "Liorzh boutin Kerampere" e Brest gant Anne Lagadeg ha Pierre-Yves Le Menn. O prientiñ "Gouel an hañv" a vo dalc'het disadorn eno emaint.

En abadenn e vo klevet Baptiste ha Bleuenn a ginnigo deomp daou film a zo da welet er mare-mañ 'ba salioù du ar vro : F1 (gant Jospeh Kosinski) ha La venue de l'avenir (gant Cédric Klapisch). Klevet e vo ivez istorioù evit ar vugale gant Silvenn Koant !