Liorzh Marzhus Ildut

E pad ar goañv 'meus kemeret Ildut un tammig amzer da sellet ouzh ar pezh a c'hoarvez 'barzh ar girzhier tro-dro d'e liorzh, ma teu di laboused a bep seurt. Da ober ar girzhier eno 'neus piketaet plant-gwez a bep seurt, spesadoù 'vez frouezh ganto 'pad ar goañv. Lavarout a ra Ildut deomp peseurt frouez a 'z a gant al laboused 'pad ar goañv. Hervez al lezenn n'eo ket aotret leuskel ar girzhier da greskiñ betek re. Penaos ober neuze evit kaout frouez asidu 'pad ar goañv? Ildut a lavar deomp peseurt diskoultrañ 'vez graet gantañ.

Hir eo bet ar goañv gant barradoù-glav a-leiz. Bremañ pa z'eo distro an nevezamzer e raio tri mil vat deomp mont da ober un tamm tro 'barzh liorzh Ildut ma ’z eus bet cheñchamantoù ennañ : kresket ha bravaet eo bet ar poull-dour. Ar poulloù-dour o deus, el liorzhoù, ur perzh a-bouez e-keñver ar vevliesseurted.

Setu ul legumajenn-frouezenn ( la chayotte) ha plantennoù leguminus (pizh-chich ha fer) nevez plantet gant Ildut pe emañ o soñj plantañ!

Muioc'h a zisplegadennoù diwar-benn ur goadeg sintropek o kemeret harp war raktres Gustavo ha Kristen e Plouneour Traezh "Mamm douar, patcha mam

Un teknik sevel koadeier magus dreist-holl gant gwez frouezh o kemer skouer diwar ar pezh a c'hoarvez en ur mod naturel er broioù trovanel hag a vez pleustret e Breizh. Displegadennoù ivez diwar-benn kengounid an teir c'hoar.

Un tamm tro 'barzh liorzh Ildut da zeskiñ penaos ober un droellenn louzeier!

Peseurt louzeier a gustum merkañ an douaroù trenk? Bez’ emañ an triñchin, ar bara-koukoug ha c'hwervizon adarre! Plant all o verkañ eo kalet an douar: ar stank-fri, an ed-ledan, an troell, an treuzgeot... Hag er fin, talvoudegezhioù dreistordinal al linad!

Ar plant talvoudus hervez Ildut: Kaol garv, kabusined, iliav-douar, c'hwervizon. Hag ivez un dibab a louzeier a zegas titouroù war doare an douar. Hiziv ez eomp war-zu a ziskouez deomp eo strujus an douar: Ar gleiz gwenn, Yalc'h ar person, an avron(?), an troad gwazi, al lostoù louarn...

Klozet 'vo gant troiad ar reier gwenn, un droiad hag a loc'h eus Kergoat Plouedern a gas an dud betek ar vrikennerezh e Landerne. Ha 'teid an hent, panelloù displegañ.

Hag emaomp c'hoazh dirak ar banell o tiskouez an troc'had geologel, talvoudus-kenañ evit kompren penaos eo bet ganet ha stummet traonienn an Elorn. Pelloc'h ez aimp goude-se, betek Kerhamon nepell eus Landerne, lec'h ma vez kontet an niver a eoged a zo en Elorn.